S Ö Z A L T I

euro 2024 |

14 iyun - 14 iyul tarixlərində Almaniyada keçiriləcək futbol bayramı. Bir çoxları Fransa və İngiltərəni favorit hesab edir. Məncə həmişəki kimi İngilislər bacara bilməyəcək. Bəlkə də beynimə loser kimi kodlanıblar bilmirəm. Şəxsən mən turnirin qalibi kimi fransanı görürəm. Çox əjdaha şəkildə gəlirlər. Keçim qrup təxminlərimə:

Burda Macarıstan qrupun sürprizi olacaq. Almaniya maks 2 olacaq. İsveçrə və Şotlandiya isə ən yaxşı 3-cü yer uğrunda mübarizə aparacaq. Qrupun həlledici oyunu elə 1-ci turdakı Macarıstan - İsveçrə matçı olacaq.

Azarkeşi olduğum və son çempion İtaliyanın taleyindən qorxuram. Spaletti bambılısı dünən hücumçu qıtlığında Bolognada əla mövsüm keçirən Orsolinini komandadan çıxartdı. İtaliyada hamı spalettini topa tutur. Zaccagni, çolaq el shaarawy və demək olar ki, bu sezon oynamayan faggiolini saxlayıb, Orsolini və lazionun qapıçısı provedeli kənarda tutub. İspaniya və Xorvatiya, hətta Albaniya da başağrısı olacaq İtaliyaya. Türkiyə ilə 0-0 bitən matçda da ümid vermədilər. Amma bu İtaliyadı. Qrupda 3 heç-heçədən sonra dünya çempionu olmuş komandadı. Bilmək olmaz. Bu qrupa təxmin vermək çox çətindi. Realist olsam hal-hazırki vəziyyətə uyğun olaraq: 1 İspaniya 2 Xorvatiya 3 İtaliya 4 Albaniya.

İngiltərə burdan təmiz çıxar. 2ci yer üçün Danimarka və Serbiya əlləşər və Danimarka yeri qapar.

Ən asan qrupdu bu məncə. Fransa 1, Hollandiya 2, Avstriya 3, bərbad oyun oynayan Polşa 4.

Ən maraqlı qrup. Hamı Belçikanın asanlıqla 1-ci olacağını desə də mənim fikrimcə onların generasiyasının limiti çoxdan bitib. Rumıniya sürpriz edəcək. Ukraniya da ondan geri qalmayacaq. Slovakiya 4-cülüyə məhkumdu.

Gəldik dananın Türkiyə üçün quyruğunun qopduğu yerə. Türkiyə burdan necə çıxırsa çıxsın 8/1-dən o yana getməyəcək. Çünki ya Fransa ya İngiltərə ya da b qrupunda hansısa əjdaha ilə qarşılaşacaq. Ümumiyyətlə Türkiyə elə komandadı ki, oyununu heç cür tuta bilmirsən. Heç vaxt stabil oynamırlar. 0 da çəkə bilərlər. 90+ -da vurulan qollar ilə 1-ci də çıxa bilərlər. Portuqaliya 1-ci olacaq sözsüz. Gürcüstan Mdb-nin hal-hazırda ən yaxşı oynayanıdı. (Russia excluded). Çexiya burda tale həll edən komanda olacaq.
Könlümdən keçən 2008 və 2012-dəki İspaniya kimi İtaliyanın da ardıcıl qalib gəlməsidir. Amma çətin. Real vəziyyət Fransanın çempionluğunu göstərir. Ümid edirəm ki, 2004 və 2016 kimi sıxıcı yox, 2000 və 2008 kimi yaddaqalan turnir olar.

sosioloji marksizm | elm

analitik marksizm ekolu ilə tanınan, sosial siniflər klassifikasiyasında yeni nəzəri paradiqmaları ilə həm sosiologiya sahəsində həm də bütöv olaraq marksizm sahəsində yeni cığırlar açan erik olin wrightın Viskonsin-Medison Universitetində verdiyi dərslərdən biri.

dərsin syllabusu 87 səhifədir -*. bu yay syllabusda paylaşdığı əsas oxumaları bitirməyi planlayıram.

syllabusdakı chapterlər bu şəkildədir:
1) giriş
2) sinfi struktur
3) sinfi təşəkkül
4) dövlət və siyasət nəzəriyyəsi
5) ideologiya və şüur
6) tarix nəzəriyyəsi
7) sosializm və xilas/azadlıq

və üstəlik əsas oxumaların yanında- əgər vaxtınız varsa- əlavə oxuma materialları da var. möhtəşəm syllabusdur.

syllabusun linkini paylaşıram. məncə göz atın və bu sahə haqqında nələrsə oxumaq istəyirsinizsə yararlanın.

link: https://drive.google.com/file/d/1Q64aPnfb1IlezJXjzcwuXMh62U8Silft/view?usp=sharinghttps://drive.google.com/file/d/1Q64aPnfb1IlezJXjzcwuXMh62U8Silft/view?usp=sharing

ufc | idman

Açılışı ultimate fighting championship olan mma təşkilatı. İnsanların niyə bu qədər az maraqlandığına təəsüflənirəm düzü, xususilə də həmcinslərim arasında. Nəticə də, dünyanın ən güclü ya da badass insanının kimi olduğu sualı maraqlıdır və bunun cavabının öyrəniləcəyi ən prestijli təşkilat ufcdir. One championship və bellator kimi təşkilatlar da var, lakin ordakı əksər divizyadakı çempionlar heç ufcnin top 10 una girə bilməz müvafiq çəki divizyasında. Təbii olaraq anlayıram bəzi insanlar şiddət və s. kimi görüntüləri sevmir, həmin insanların baxmamağı normal haldı. Ancaq ölkədə xususilə animeci kütlənin, heç ufc nin nə olduğunu eşitməməyi maraqlanmamağı qəribə gəlir. one punch man, naruto və oxşarı animelərə baxmaqdansa çox daha real olanına baxa bilərsiz. Və bu real xarakterlərdən çox daha yaxşı inspiration ala bilərsiniz. Misal verim döyüşçülərdən,
Alex pereira gec yaşda kick-box a başlıyır. Ən yüksək səviyyə olan glorydə 2 diviziyada çempion olur. 2 dəfə məğlub elədiyi israel adesanya tərəfindən hər hansı bir interviyuda, "mən əfsanə olanda, hər hansısa bir pubda arxamdan boş boş danışacaq , o heç kimdi" tərzi təhqir olunmadan sonra özünə tamam yad olan bir idmana başlıyır. Hansı ki grappling dediyimiz şey 30 dan sonra elə rahat öyrənilən bir şey deyil. Öyrənsən belə heç vaxt vasatın üstü ola bilməyəcəksən, bunun özü də böyük drawback di istenilen döyüşçü üçün. Pereira ufc debutunu edir, və hətta bambılı bambılı danışan adesanyanı knockout edir. Sonra bir yuxarı çəkidə də çempion olur və hal-hazırda planetdə ayaqüstü döyüşdə ən çox qorxulan döyüşçüdür desək düz olar. Və bu insanın bütün bu uğuru, brazilyanın kasıb favellalarından birində, yoxsullaqdan çıxaraq elədiyi də
ayrı bir heyrətamiz haldı.

Çox maraqlı personaj var yəni ufcdə, misal günlərcə qaranlıqda ac sussuz, balaca otaqda günlərcə duran jiri prochazka. Bu xarakter elə bil sırf mistik anime xarakteri sevən insanlar üçün dizayn olunub. Günlərcə meşədə tək qalıb, məşq edir, just insane dude overall. Hərtərəfli döyüşə bilir, ancaq əsasən ayaqüstü döyüşməyə üstünlük verir, və sıfır guard ilə, full hücüm. Alex pereira kimi dünyanın ən təhlükəli kickbox çusunun belə üstünə şığıyır, əli qolu qarınında, ayaqları yediyi low kick lərdən təndimiş, qızarmış(döyüşdən sonra hətta morarmış olacaq) vəziyyətdə.
Son olaraq döyüş deyim maraqlananlar baxsın.
https://youtu.be/dHKRVKnChFI?si=SPdvsxA140sdhjxV

Jiri ilə glover teixeirü nın döyüşü həqiqətən yüksək gərginlikli bir kəmər döyüşü idi, gərginlik dedim yəni daim bir actionın olduğu maraqlı bir döyüş, sıxıcı şəkildə bir roundda 10, 15 jab in atıldığı bir döyüş yox. Düşünürəm ki, bu döyüşə önyarqısız baxan insan mma fanatı ola bilər.
Səhv eləmirəmsə gloverin 8 ci dərəcə bjj qara kəməri var və bu onu idmandakı ən yüksək grappling çi deməyimizə bəs edər. Ancaq mma təkcə grappling deyil.

https://youtu.be/7CAkyfHMhhA?si=dgNlY8GcxY5sm7cn
Rober whittaker , yoel romero

Müasir dövr middleweightdə(83kg) ən yaxşılardan olan cavan Whittakerın 41 yaşlı kafdar romero ilə olan 2- ci döyüşü. Romeroya kafdar dediyimə baxmıyın the dudes is insanely ripped and explosive. Çox gec başladığı idmana səhv eləmirəmsə 35,(köhnə olimpik gürəşçidir) əfsanə olaraq ayrılmışdı ufcdən. Qeyri mümkün bir nailiyyətdi həqiqətən 35 indən sonra təzə idmana başlamaq oyana, 35 indən sonra çempion ola bilmək ya da oxşarı bir nailiyyət göstərmək qeyri mümkün bir haldı. Çünki istər istəməz qocalırsan, əgər heavyweight ya da light heavyweight deyilsənsə. Romero onsuz adi bir insan deyil, hamı kuba da bədəninə qəribə experimentlər olunduğu bilir, ancaq yenə də idmanın özündə doping təşkilatları nəzarət edir, keçə bilibsə fair competition.

https://youtu.be/h9oj6HEdZSI?si=_0lutKRzOWW03d_v
Son olaraq aşağı çəkilərdən daha texniki olan, volkanovski, islam makhachev döyüşü. Volkanovski bu döyüş zamanı məğlubiyyətsiz demək olar, çempion idi 66 kiloda, islam isə xəbibin atasının favorit tələbəsi idi və çempionluğu oliveirdan(xəbibi udacağı deyilirdi, çox yaxşı grapplingi olduğuna görə) almışdı. Çoxlarına görə xəbibdən daha yaxşı olan islam, xususilə ayaqüstü döyüşdə, əksər döyüşlərini 1 dəqiqənin altında bitirən islam üçün çıxa biləcək ən texniki və inatçı rəqiblərdən idi alexander, həmçinin bütün çəki divizyalarını əhatə edən reytinqdə də, pound for pound rankingdə də 1 ci sırada idi. Bu döyüş digərləri qədər, süper maraqlı olmaya bilər, ancaq məğlubedilməz dağıstan grappling məktəbinin qarşısına çıxan ən güclü oponentin döyüşə necə bir əhəmiyyət qazandırdığnı qavraya bilsəz, yüksək diqqətlə baxacağıvıza şübhəm yoxdur. Hərhalda texniki skill olaraq bunun üstünə çıxa biləcək başqa qarşıdurma yoxdur.

Sona da ufc üçün xüsusi tarixi əhəmiyyəti olan bir neçə maraqlı döyüş qoyacam
https://youtu.be/en4hR34Bl8w?si=Xm8rBGOoan4LTDtz
https://youtu.be/l8s2fsfIpUA?si=AFqEA-1VW_NkK6e8
https://youtu.be/JuBBIJ7adjM?si=l2RWjq2ktf83kZKQ

obyekt yönümlü proqramlaşdırma | proqramlama

(OYP) - verilənlərin obyektlər üzərindən formasını dəyişməsi üzərinə qurulmuş proqramlaşdırma methodu. yazılmış funksiyaların təkrər istifadəsinə və daha kompleks məntiqə kömək edir.

// birinci class-da yaradılan obyekt və methodun digərində çağırılıb istifadə edilməsi:
class a {
string name;
public void method_a();
}
// ikinci class-da implementasiyası
class b extends class a {
name = "jhon.doe'':
method("do something");
}

bəzi methodolojiyaları:
enkapsulyasiya (encapsulation),
varislik (inheritance),
polimorfizm (polymorphism),
abstraksiyası (abstraction),
obyektlər arasında informasiya axınının təşkili (sending messages / message sending),
təkrar istifadə oluna bilərlik ( reusability).

java - c - c++ - Python - php
bu linkdə azərbaycanca ətraflı və bəsit izahı da var

perfume genius | musiqi

əsl adı Michael Alden Hadreas olan əsasən indie pop, indie rock və art pop tərzlərində mahnılar bəstəyən amerikalı musiqiçidir. Özünə seçmiş olduğu bu ləqəb isə Perfume The Story of a Murderer filmindən irəli gəlir. 2020-ci ilin diqqət çəkən albumlarından biri Set My Heart on Fire Immediately olsa da onun no shape albumunu daha çox bəyənirəm.

Tanımaq istəyənlər üçün:
(baxma: jason)
(baxma: otherside)
(baxma: die 4 you)
(baxma: slip away)
(bax: queen)
(baxma: without you)

euro 2024 |

sosioloji marksizm | elm

ufc | idman

obyekt yönümlü proqramlaşdırma | proqramlama

azrap ★ wiki | musiqi

Azərbaycanda meyxana və hiphop janrlarının birləşməsi nəticəsində 90-cı illərin ortasında kəşf olunmuşdur. Hər nə qədər rep musiqisini azərbaycana gətirən Anar Nağılbaz kimi tanınsa da bu janrda ilk mahnı "Azərbaycan milli qəhrəmanı" Çingiz Mustafayev tərəfindən 1983-cü ildə "Dünənki keçdi" mahnısı ilə gəlib.

Bundan sonra 1992-ci ildə Anar Nağılbaz tərəfindən bizimlə tanış olur. Həmin ildə "Canlı klip şou" rep sənətinə giriş edən Anar ilk albomunu 1997-ci ildə satışa buraxır. Lakin 1993-cü ildə "Narkodünya" mahnısıyla şöhrət qazanmışdır. Bu mahnı gələcəkdə elə repçinin ilk albomu olan "Sabah Olmayacaq" 'a aid edilir. Bir anda patlama edən Anar Nağılbaz və mahnıları o vaxtın Bakısında disko-barların dəyişilməz mahnılarına çevrilir.

"zar zar zar-zar ağlama..
zar zar zarzar ağlama..
gəlmiyəcəm ımıhmı..
mənim sevgilim johnny-di johnny
özü amerikalı firması sony.."
Meydanı Anar Nağılbaza qoymaq istəməyən və onlara rəqabət etmək məqsədilə Dəyirman qrupu qurulur. Qrupun tərkib hissəsini 4 nəfər birləşdirir.
Qrupun metroda çəkilmiş o zamanki şəkili: http://prntscr.com/f7rxj0
Qrupun ilk albomu "Azərimeyk" adı ilə 1999-cu ildə işıq üzü görüb. Bu albom Azərbaycan problemlərinə toxunduğu üçün səs-küyə səbəb olur. Artıq rep sadəcə club musiqisi olaraq qalmır və bir çoxunun məişət problemlərinin səsləndirdiyi bir musiqi növünə çevrilir. Qrup üzvlərindən L-mir bir dəfə bu musiqiyə gəlmələrini belə ifadə edib :
"Bir gün audio satılan dükana getmişəm və rep kaseti almaq istəyirdim . O isə mənə 2-Pac kasertini verdi. Sadəcə "two" sözünü "S" kimi oxudum və qulaq asmağa başlarkən bizə ilham verən mənbəyi "S-PAC" deyə adlandırmağa başladıq. Səhərisi gün universitetdə görüşəndə Yusifə deyiərəm ki, bizdə kaset var bəs əla oxuyur repçi və adı "S-Pac"'dı. Yusifdə mənə deyir məndə də biri var məhz adı "2-Pac"dır. Axşam görüşək ikisinidə dinləyək. Axşam görüşüb "S-PAC"ı qoyan kimi Yusif dönüb dedi ki, "Ala elə bu "2-pac"-da və beləliklə xoş xatirimizlə rep dünyasına girişdik."
Azərbaycanın yaralı yerlərindən olan "Qarabağ" probleminə toxunan və Ya Qarabağ Ya Ölüm ilə rep musiqisini yaşlıdan cavana hər kəsə duyurmağa bacaran qrup bu sahədə ən çox dinləmiş musiqini satışa buraxır. (bax: Qurd) albomuna daxil olan mahnı insanlardakı patriot hissləri oyandırır və hələ də Azərbaycan repinin ən uğurlu mahnılarından hesab olunur.
Artıq meydana Hüseyn Dərya və Elşad Xose daxil olur. Rep musiqisi getdikcə genişlənir və dinləyicilərin sayı artmaqda idi. Lakin bu özlüyündə qalmaqalları da gətirir və rep aləmində mükəmməl giriş edən Hüseyn Dərya konsertlər keçirir və konsertləri demək olar ki, tamamilə dolurdu. 2000-ci illərdə Space TV də yayımlanmağa başlayan "Mən də varam" verilişində iştirak edən bu iki reper kommersial uğur əldə edir və artıq bir kənarda H.Dərya fanatları digər tərəfdə isə E.Xose fanatları qırğına keçir. Hüseyn Dərya müharibə dövrlərində təhsil aldığı Bakı Dövlət Universitetini qoyaraq sərhədlərə getmiş biri idi. Məhz bu həyat hekayəsinə görə bir çox insanlar tərəfindən ayrı simpatiyası var idi. Daha çox "Kef elə" mahnısı ilə məşhurlaşıb. "Aslanskiy" nominasiyanı 15 respublika arasından Azərbaycana gətirmiş, və ondan sonra nominasiyanı MDB-də heç bir reperə verməmişlər. 2004-cü ildə "İlin ən yaxşı reperi", "İlin ifaçısı" və "İlin albomu" nominasiyalarını almışdır. İlk dəfə Ü.Hacıbəyov diplomunu alıb. "Yaşa, Azərbaycan" adlı prezident mükafatına da ilk dəfə layiq görülmüşdür. Digər rəqibi Elşad Əliyev "Xose" ləqəbi ilə rusiyada "D.U" adı altında ilk albomu çıxarır Жизнь не меняется adı ilə Rusiyada tutuna bilməyən reper Azərbaycanda boy göstərməyə başlayır və 2002-ci ildə "Canlı yayım" albomu 2500 kopya satır və bu o zaman üçün bu sahədə qazanılmış uğurlardan biri idi. Hüseyn Dərya daha çox meyxana stilində oxumasına baxmayaraq Elşad Xose sırb rep stilində oxumağa çalışırdı.
2001-2002 ci ildə bu sahəyə başqa reper Uran və yaxud İbrahim İbrahimov qoşuldu. (baxma: M.T.Street) söz yazarı kimi başlayan Uran bir çox qrupun üzvü olmuşdur. Daha sonra bu qrup dağılır və reper fərdi olaraq dəvam edir. 2004 cü ildə NickS qrupunda ayrılıb adının daha çox tanındığı Caspian Clan qrupuna qoşulur. Həmçinin 2010-cu ildə
Cəzanın Bakı konsertində Uran da Cəzaya ilə eyni səhnəni almışdır. 2007-ci ilin avqust ayında Uran Azərbaycanın ilk rep Labeli olan Da Streetz'in tərkibinə daxil olur. 2001-ci ildə Uran ilə birlikdə başlayan digər reper isə Albay Əfəndi'dir. Qrup olaraq buraxdıqları ilk parçaları "Mənəm Azərbaycan" adlanır. Çox keçmir ki, bu tərz musiqiyə maraq göstərən digər uşaqlarla tanış olurlar. Bunlar; Elməddin, Nihal Mirzə, Abulfəz olur. 2000-ci ildə birgə işləməyə qərar verirlər. Və hamısı Big Mafia Alliance adı altında birləşirlər. Daha sonra bu rep biriliyinin adı "Məclis Clan" olaraq dəyişdirilir. Və son olaraq 2001-ci ildə RAPressia CLAN adı ilə fəaliyyətə başlanılır. Bu ərəfələrdə yaranan qruplar qısa müddətli olur və çoxu solo dəvam edir. 2000-ci illərin ortalarında Tural Jamen ləqəbli reper "Kayfım zor" mahnısı ilə o vaxtın avtoşlarının ən çox istifadə mahnı halına çevrilir və bir anda rep sənəti yenə disco-club-a yönəlir.
Bu yöndə uğurlu olan Ramil Nabran'ın da daxil olduğu Klan A Plan qrupu yaradılır. Qrup bir anda o zamanın clublarının ən çox dinlənənləri halına gəlir.
Rep sənətinin getdikcə gözdən düşdüyü bir anda 2007-ci ildə H.O.S.T qrupu yaranır. 2007-ci ildə "Proloq" albomu ilə diqqətləri üzərinə çəkən qrup 2008-ci ildə "Qarada Qırmızı" ilə bütün gənclərin diqqətini çəkməyə bacarır. 2005-2006-cı illər ərzində əsası qoyulan və fəaliyyətdə olan Baku Clan isə uşaqlıq dostlarını özündə birləşdirib – artıq çoxdandı rap yazan Qaraqan və Jamal Ali'yə Felon De Jure , Feck, ErranT da qoşulub. Daha sonra qrupa Dərviş , ProMete, AiD qoşulur. Jamal Ali, Felon De Jure, Feck və ErranT təhsillə bağlı Türkiyədə olduğundan albom üzərində digər dördlük daha çox çalışır – PRoMete, Qaraqan, AiD və Dərviş. "Qarada Qırmızı" albomundan sonra Felon De Jure, Jamal Ali və ErranT H.O.S.T Alliance'dakı fəaliyyətini başa vurur və qrup fəaliyyətini 4 nəfərlə dəvam etdirir. Bundan sonra qrup gücünü itirməyə başlayır. 2005-ci ildə musiqi həyatına başlayan digər reper Orxan Mustafazade digər sözlə Okaber Host-un fəaliyyətinin zəiflədiyi bir dönəmdə trackləri ilə diqqət çəkməyə başlayır. Patriot hisslərin bir arada birləşdiyi "TABOO" mahnısı reperin ən uğurlu tracki sayılır.
2009-cu ildə başlayan və diqqət çəkən digər reper isə Şəhriyar Atababayev və yaxud sizin tanıdığın Xpert'dir.

javascript | proqramlama

28 may 1997 b.dortmund - yuventus matçı | idman

eksternaliya ★ wiki

ingiliscə externalities, türkcə dışsallık deyilən iqtisad terminidir. başqası üzərində kompensasiya olunmayan təsirdir. daha sadə dillə qiymətləndirilməyən fayda və ya zərərdir. məsələn, qonşunun daim hürən itinin digər qonşuya narahat edici zərəri və ya bərpa edilmiş bir tarixi ərazidə gəzən insanların aldıqları pozitiv fayda.
ən ideal sistem istehsalçı və istehlakçı artığının (surplus) maksimimum olduğu sistem olduğuna görə kirlilik kimi eksternaliyalar qaynaqların səmərəli istifadəsinə mane olur. bəzi hallarda insanlar öz aralarında razılığa gələrək eksternaliyanı aradan qaldırırlar. coase teoremi də bunu təklif edir ki sövdələşmə yolu ilə tərəflər karlı bir nəticəyə gələ bilər. praktikada əksər hallarda bu sövdələşmə mümkün olmadığı üçün araya dövlət girir. müxtəlif növ vergi ( corrective tax) və ya eksternaliyalara limit gətirərək vəziyyətə əl qoyur və tarazlığı (equilibrium) yenidən əldə edir.

tissot prx | texnologiya